جَلد اَجَل شونه، عمرِ کوتانه
خَو اِیا گِهره، بختِ ایمانه
دس به دس یَک، گَئوگَری خووه
آل برا ای گَئو ، کار دنیانه

صو که تی نادیم، دل به خَو دادیم
وا بُگُویم جا چه، عمرهِ دَرنادیم
زنده ئی جَلدی ایره و ایما
چی کِلور و کَه، مِن گَمِ بادیم

آخره هر روز، ایرَسه وا شَو
زور ئی شوگار، ایره وُر اَفتَو
آدُمی ایگوی، دونه ی جُویه
آسیوِ مرگ، یَهرِمون ای گَئو

روزگار تیخِ اَفتَو و ایما
گُرده برفی مِن، میسُمِ گرما
تا وِ خوت یاهی دَو زِ دَس رَهده
وا هَفارِشتی کَستیهِ زِ جا

چی تُکِ اَو مین، شوره زارونی
چی نوم اَفتَو، روز بارونی
بِل نُومت بووه، اَر نشونت نی
کار ئی دنیا ناره سامونی